எல்லோரும் எல்லாமும் பெறவேண்டும் -இங்கு இல்லாமை இல்லாத பேரின்பமே வேண்டுமடா!

வாழ்க்கையில் இன்பம் பல கோடியடா!
வாழ்விதிலே இன்பம் இன்னும் எத்தனையோ இன்பமடா!
ஐம்புலனாலே நுகரும் இன்பத்திற்கு அளவில்லையடா!.
மழலையை அரவணைப்பது மெய்க்கு இன்பமடா!
மட்டற்ற சுவைதரும் நறுங்கனி உண்பது வாய்க்கு இன்பமடா!
மண்ணின் இயற்கைதனை காண்பது கண்ணுக்கு இன்பமடா!
மலரின்மணமாய் நுகர்வது மூக்குக்கு இன்பமடா!
மதுர செந்தமிழ் கேட்பது செவிக்கு இன்பமடா!
மாசற்ற கல்வி கற்பது அறிவுக்கு இன்பமடா!
மறவாது அனைவர் இடத்தும் அன்புகாட்டுவது இன்பமடா!
இவற்றிற்கெல்லாம் மேலான இன்பம் இம்மண்ணில் உண்டா?
எனக்கேட்கும் கேள்விக்கும் உண்டு பதிலே
எல்லோரும் எல்லாமும் பெறவேண்டும் -இங்கு
இல்லாமை இல்லாத பேரின்பமே வேண்டுமடா!












?