காலமெல்லாம் கதைசொல்லும் கட்டில்கயிறு-ஆயிரங் காலத்து பயிரினையே தாலாட்டும் தொட்டில் கயிறு!

கயிறு கயிறு பலவிதமான
கயிறு கயிறு
வாலுப்பையன் பட்டம் விடுகிற நூலுக்கயிறு
நாம ரகசியமா தாயத்துக்கு அவசியமா இடுப்புக்கயிறு
ஊரு உபத்திரவம் தாங்காமலே ஊரவிட்டு காசிபோக
உத்திராட்சம் சேர்த்த காவிக்கயிறு மந்திரிச்ச
சிகப்புக்கயிறு தூய்மையான வெளுப்புக்கயிறு
காலமெல்லாம் கதைசொல்லும் கட்டில்கயிறு-ஆயிரங்
காலத்து பயிரினையே தாலாட்டும் தொட்டில் கயிறு
காளைமாட்டு க் கழுத்தில் கட்டுகிற கழுத்துக்கயிறு
அந்தகயிறு இந்தகயிறு ஆசைக்கயிறு பாசக்கயிறு
எந்தகயிறு கேட்டாலும் விற்கிறவரு மறுப்பதில்லை
இந்த தாலிக்கயிறு மட்டும் கடன்கேட்பதுமில்லை
கடன்கொடுப்பதும் இல்லை