வேதனையில் குடித்தனவாசி
விளை நிலமெல்லாம் வீட்டுமனையானதாலே!
விளைச்சலெல்லாம் வெகுதூரமாச்சே!-அதன்
விளைவுதான் இப்பொழுது பொல்லாத பொழுதாச்ச-பணவீக்கத்தினாலே
வாங்கும் சக்தி ஏற்கனவே இல்லாம போச்சே..-இந்த பாழாப்போன விலைவாசியாலே=எங்கள்
வாழ்வாதாரமே இன்பத்துக்கு கானல் நீராச்சே
முப்போகம் விளைந்த நிலமெல்லாமே காணாமல்தான் போயாச்சே!
முக்காலும் எல்லாமும் மனையிடங்களாகவே மாறியாச்சே!-இங்கு
எங்குபார்த்தாலுமே வீட்டடிவிற்பனையே கொடிகட்டிப் பறந்தாச்சே!
உற்பத்திதான் குறைந்துபோகவே விளை நிலங்கள் குறைந்தாச்சே!
அன்று கை நிறைய காசுகொண்டு சென்றாலோ பை நிறைய காய்கறி வாங்கியது அந்தக்காலம்
இன்றோ பை நிறைய காசுகொண்டு சென்றாலுமே கை நிறையக்கூட காய்கறி இன்றி வருவது இந்தக்காலம்!
விலைகள் உயர்ந்த அளவுக்கு மக்களுக்கு சம்பள உயர்வு இல்லாமல் இருப்பது கொடுமையாச்சே!
வேதனையில் பொழுதுபோக்கும் சினிமாவும் கட்டணம் கூடியாச்சே!@
-விலைவாசி இறங்கவில்லை என்றால் வரும் தேர்தலில் ஆட்சியாளர்கள் இறங்குவார்கள்
விலைவாசி இறங்கிடவே வழிபிறக்குமோ?
ஆட்சிகள் மாறினாலும் நிலையான கொள்கையில்லாத் தலைமை இருக்கின்ற வரையினில்
எந்த விலையும் எப்போதும் குறைந்திடவே வழியிங்கு பிறந்திடப் போவதில்லையே!.
தமிழ்பாலா=காதல்/கவிதை/தத்துவம்/=..
No comments:
Post a Comment